خالدؔ کاشف کی ایک غزل
چارہ
گر سارے پریشاں ہیں کہ سب کیا تھا
زخم
ہنستے تھے تو بیمار بھی ہنس پڑتا تھا
مڑ
کر دیکھا تو دراڑیں تھیں کئی چہروں پر
آئینے
میں تو ہر اک شخص حسیں لگتا تھا
یہ
میرے عہد کا منشور ستائش ٹھہرا
وہ
جو اب میں نہیں ہے وہ بہت اچھا تھا
زہر
اترا تھا رگ و پے میں کسی خواہش کا
سانس
لیتا تھا تو ہر موئے بدن ڈستا تھا
مہرباں
رات تھی تنہائی کی جنت مجھ پر
میں
تھا،احباب کے اشعار تھے،سناٹا تھا
جانے
کیا یاد اسے آیا تھا اس دن خالدؔ"
آئینہ
سامنے رکھ کر وہ بہت رویا تھا
ایک تبصرہ شائع کریں